कामना सेवा विकास बैंकद्वारा श्री पशुपति माध्यमिक विद्यालयलाई कुलर हस्तान्तरण

काठमाडौं । कामना सेवा विकास बैंक लिमिटेडले शाखा कार्यालय कोटिहवामार्फत श्री पशुपति माध्यमिक विद्यालय, रुपन्देहीलाई कुलर हस्तान्तरण गरेको छ ।

बैंकको बुटवल क्षेत्र प्रमुख हेमन्त बाबु आचार्यले विद्यालयका प्रधानाध्यापक बेदनारायण भट्टराईलाई तीन थान कुलर हस्तान्तरण गरेका छन् ।

विद्यालयमा गरिब तथा जेहेन्दार विद्यार्थी अध्ययनरत रहेको र गर्मीको मौसममा अध्ययन–अध्यापन गर्न कठिन भएको अवस्थामा उक्त कुलर उपयोगी हुने उद्देश्यले बैंकले उक्त सहयोग प्रदान गरेको हो ।

विद्यालयमा कुलर जडान भएपछि कक्षाकोठाभित्रको तापक्रम न्यूनीकरण भई विद्यार्थीलाई सहज र अनुकूल वातावरणमा अध्ययन गर्न मद्दत पुग्ने अपेक्षा प्रधानाध्यापक भट्टराईले बताए ।

#कामना सेवा विकास बैंक