टी२० विश्वकप : ओमानमाथि इंग्ल्याण्डकाे शानदार जित

ओमानमाथि शानदार जित हासिल गर्दै साबिक विजेता इंग्ल्याण्डले सुपर ८ मा पुग्ने सम्भावना कायम राखेको छ । शुक्रबार बिहान भएको खेलमा इंग्ल्याण्डले ओमानलाई ८ विकेटले पराजित गर्‍यो ।

४८ रनको झिनो लक्ष्य इंग्ल्याण्डले ३.१ ओभरमा मात्र २ विकेटको क्षतिमा पछ्यायो । कप्तान जोस बट्लरले नटआउट रहेर ८ बलमा २४ रन बनाए । उनले यस क्रममा ४ चौका र एक छक्का प्रहार गरे ।ओपनर फिल साल्टले ३ बलमा १२ रन जोडे । उनले सुरुवाती दुई बललाई नै छक्का प्रहार गरेका थिए । जोनी बेयर्स्टो ८ रनमा नटआउट रहे ।