एआई रेसमा नयाँ मोड, एन्थ्रोपिक बन्यो विश्वकै मूल्यवान् स्टार्टअप

काठमाडौं । अमेरिकी कृत्रिम बौद्धिकता (एआई) कम्पनी एन्थ्रोपिकले बजार मूल्याङ्कनका आधारमा विश्वकै सबैभन्दा मूल्यवान् एआई स्टार्टअपको स्थान हासिल गरेको छ । च्याटजिपिटी निर्माता ओपनएआईलाई पछि पार्दै कम्पनीले यो उपलब्धि हासिल गरेको हो ।

कम्पनीले बिहिबार निजी लगानीकर्ताबाट ६५ अर्ब अमेरिकी डलर बराबरको नयाँ लगानी जुटाएको घोषणा गरेको छ । पछिल्लो लगानीपछि एन्थ्रोपिकको कुल मूल्याङ्कन ९६५ अर्ब डलर पुगेको बताइएको छ । यससँगै कम्पनीले एआई उद्योगमा नयाँ उचाइ हासिल गरेको विश्लेषण गरिएको छ ।