गुणस्तरहीन भेटिएपछि ‘तेज’ तोरीको तेल बजारबाट फिर्ता गर्न निर्देशन

काठमाडौं- खाद्य प्रविधि तथा गुण नियन्त्रण विभागले गुणस्तरहीन ठहरिएको ‘तेज’ ब्राण्डको तोरीको तेल बजारबाट तत्काल फिर्ता गर्न निर्देशन दिएको छ ।

विभागले जारी गरेको सूचनाअनुसार बजार अनुगमन तथा निरीक्षणका क्रममा संकलन गरिएको नमुनाको परीक्षण गर्दा सिद्धार्थ आयल इन्डस्ट्रिजद्वारा उत्पादित ‘तेज’ ब्राण्डको तोरीको तेल न्यूनस्तरको भेटिएको हो ।