मूल्य बढ्दा विश्वभर घट्दै स्मार्टफोनको विक्री, मारमा सस्तो फोन खोज्ने ग्राहक

काठमाडौँ । सन् २०२६ स्मार्टफोन उद्योगको इतिहासमै सबैभन्दा चुनौतीपूर्ण र खराब वर्ष साबित हुने देखिएको छ । काउन्टरप्वाइन्ट लगायतका अनुसन्धानबाट विश्वव्यापी रूपमा स्मार्टफोनको ढुवानी (शिपमेन्ट) मा उल्लेख्य गिरावट आउने प्रक्षेपण गरिएको हो ।

पछिल्ला तथ्याङ्कहरूले देखाए अनुसार यस वर्ष स्मार्टफोनको विक्रीमा १३.९ प्रतिशतको भारी गिरावट आउन सक्छ । जुन यसअघि अनुमान गरिएको १२.९ प्रतिशतभन्दा पनि बढी हो । स्मार्टफोन बजारमा देखिएको यो मन्दीका पछाडि केही गम्भीर विश्वव्यापी कारणहरू रहेका छन् ।