गणतन्त्रका विषयमा प्रधानमन्त्री बालेन र रास्वपा के सोच्छ ?

झन्डै दुई दशक बितेछ, नेपाली जनताले नेपालमा राजतन्त्र समाप्तिको घोषणा गरेको । समाजवाद र जनवादी गणतन्त्रको लक्ष्यसहित दश वर्षदेखि जनयुद्ध गरिरहेको माओवादी र तत्कालीन संसदीय लोकतान्त्रिक शक्तिहरूको संयुक्त जनआन्दोलनको बलमा राजकीय सत्तामा स्थापित अन्तरिम संसद्ले ०६३ जेठ ४ गतेको बैठकबाट तत्काल राजसंस्थालाई निलम्बन गर्ने र गणतन्त्रात्मक संविधानका निम्ति संविधानसभाको निर्वाचन गराउने ‘सङ्कल्प प्रस्ताव’ पारित गरेसँगै नेपालको इतिहासमा नयाँ पाना खुलेको थियो– गणतन्त्र नेपाल ।

यो नेपाली इतिहासमा अभूतपूर्व परिघटना थियो । नेपालमा २५० वर्षको राजतन्त्रको निरन्तरतामा पूर्ण विराम लगाउँदै देशको राजकीय सार्वभौमिक अधिकार नेपाली जनतामा सरेको थियो । ०६४ चैत्रमा संविधानसभाको निर्वाचन भयो र ०६५ जेठ १५ गते नेपाललाई औपचारिकरुपमा गणतन्त्र घोषणा गरियो ।