शेफाली र मन्धानाको कीर्तिमानी साझेदारीमा भारतलाई आठौँ एसिया कप उपाधि

दुबईमा श्रीलंकालाई ७२ रनले पराजित गर्दै भारतले महिला एसिया कपको उपाधि कीर्तिमानी आठौँ पटक जितेको छ। यो टी-२० प्रारूपमा भने भारतको चौथो एसिया कप उपाधि हो।

पहिले ब्याटिङ गरेको भारतले शेफाली वर्मा र स्मृति मन्धानाको उत्कृष्ट ओपनिङ साझेदारीमा २० ओभरमा १८३ रन बनाएको थियो। शेफाली र मन्धानाले पहिलो विकेटका लागि १२९ रनको साझेदारी गरे, जुन महिला टी-२० एसिया कपमा कुनै पनि विकेटका लागि बनेको अहिलेसम्मकै सर्वाधिक साझेदारी हो।