सिन्धुलीमा भिडभाडमा सास्ती भोग्दै जेष्ठ नागरिकहरु

सिन्धुली । दिउँसोको चर्को गर्मिमा लाईनमा बसेकी सुनकोशी गाउँपालिका ६, खाल्टेकी अपांगता भएकी महिला चन्द्रकुमारी माझी विहिबार दिउँसो करीव साढे तीन बजेसम्म जिल्ला प्रशासन कार्यालय सिन्धुलीमा थिईन । दुई दिनदेखि उनी जिल्ला प्रशासन कार्यालयमा छिन । अपांगता भत्ता लिनका लागि राष्ट्रिय परिचयपत्रको फोटो खिचाउन उनी त्यहाँ आएकी हुन । कनपा ७ माझीटारमा रहेको छोरीको घरमा बास बसेको बताउने उनले अझै काम नसकिएको बताईन । भन्दै थिईन, ‘खै आज काम सकिएला की ?’

उनी जस्तै कमलामाई नगरपालिका वडा नं. ८ करकरेकी ९१ वर्षकी विष्णुमाया श्रेष्ठ पनि जिल्ला प्रशासन कार्यालयमा भेटिईन । उनले लाईनमा बस्न गाह्रो भएको बताईन । ‘यहाँ आएर फोटो नखिचे भत्ता पाउँदैन भनेको छ,’ उनले भनिन ।