पब्जी मोबाइल सुपर लिग तेस्रो साताको फाइनल चरणका खेल शुक्रबारदेखि सुरु

नेपालमै भइरहेको ‘पब्जी मोबाइल सुपर लिग (पीएमएसएल) सेन्ट्रल एन्ड साउथ एसिया स्प्रिङ २०२४’ अन्तर्गत तेस्रो साताको फाइनल चरणका खेल आजदेखि सुरु हुँदैछन् । यसअघि लिग चरणको खेल भएकोमा त्यसबाट छनाेट भएका उत्कृष्ट १६ टिम फाइनल चरणमा भिड्दैछन् ।

फाइनल चरणको खेल १ असारसम्म चल्नेछ । यसअघि भएको लिग चरणमा फोर एमभी टिम पहिलाे भएको थियो । त्यसमा नेपाली टिम डीआरएस गेमिङ चौंथो र होरा ई-स्पोर्ट्स सातौं भएको थियो । यो प्रतियोगितामा नेपाल, बङ्गलादेश, पाकिस्तान, उज्वेकिस्तान, युक्रेन, रसिया र मङ्गोलियाका टिमसहित कुल १६ टिम खेल्दैछन् ।