‘छापामाध्यमको सान्दर्भिकता अझै सकिएको छैन’

काठमाडौँ, ३१ जेठ: सूचना प्रविधिमा भएको तीव्र विकासले छापामाध्यमका पाठक घटे पनि यसको सान्दर्भिकता भने नसकिएकामा जोड दिइएको छ ।

छापामाध्यमहरूको राष्ट्रिय सञ्जालले ‘नेपालका छापामाध्यमले भोगिरहेका समस्या’ विषयमा आज ललितपुरमा आयोजना गरेको छलफलमा सहभागीले पत्रकारिताका समस्या निराकरणका लागि स्वयं छापामाध्यमले आफूलाई परिष्कृत बनाउने र समयसापेक्ष ढाल्नुपर्ने जोड दिए ।