अर्जुन ट्रफी : धनगढीलाई हराउँदै अत्तरिया फाइनलमा

काठमाडौं । धनगढीमा जारी अर्जुन ट्रफी राष्ट्रिय क्रिकेटमा सीवाईसी अत्तरिया फाइनलमा प्रवेश गरेको छ । आइतबार भएको सेमिफाइनलमा खेलमा डीसीए धनगढीलाई ६ विकेटले हराउँदै अत्तरिया फाइनलमा पुगेको हो ।

जितका लागि १०८ रनको सामान्य लक्ष्य पाएको अत्तरियाले १८ ओभरमा चार विकेटको क्षतिमा पूरा गर्‍यो । अत्तरियाका शंकर रानाले अर्धशतकीय पारी खेल्दै ५६ रनमा अविजित रहे । दिपेश कँडेलले २४, भीम सार्कीले १६ र विवेक यादव १२ रनमा नटआउट रहे ।