कतारको रास लफान ग्यास प्लान्टमा विस्फोट हुँदा १८ जना श्रमिक बेपत्ता, ५४ घाइते

काठमाडौं । कतारको रास लफान औद्योगिक क्षेत्रस्थित बार्जान ग्यास आपूर्ति केन्द्रमा भएको विस्फोटमा १८ जना बेपत्ता भएको आन्तरिक मन्त्रालयले पुष्टि गरेको छ । सो घटनामा ५४ जना घाइते भएका छन् । रास लफान क्षेत्रमा नेपाली, भारतीय र बंगलादेशी श्रमिक काम गर्दै आइरहेका छन् ।

कतारको आन्तरिक मन्त्रालयले सोमबार बिहान ४ बजे सामाजिक सञ्जालमार्फत जानकारी दिँदै बेपत्ता १८ जनाको खोजीका लागि विशेष अभियान सञ्चालन गरिएको जनाएको छ । आन्तरिक सुरक्षा बल (लेखिया) को अन्तर्राष्ट्रिय खोजी तथा उद्धार समूह र नागरिक सुरक्षाको संयुक्त टोलीले खोजी कार्यलाई तीव्रता दिएको छ ।