छत्रपाली तिर्थादेवीलाई लगातार पाँचौं पटक राष्ट्रपति कप

मायादेवी गाउँपालिकाद्वारा आयोजित पाँचौं राष्ट्रपति रनिङ शिल्ड तथा अध्यक्ष कप प्रतियोगितामा छत्रपाली तिर्थादेवी माविले लगातार पाँचौं पटक उपाधि जितेको छ।

प्रतियोगितामा छत्रपाली तिर्थादेवी माविले ११ स्वर्ण, ९ रजत र १ कास्य गरी कुल २१ पदक जित्दै उपाधि रक्षा गरेको हो। जनता मावि बलुहवाले ६ स्वर्ण, ८ रजत, ४ कास्य पदकसहित दोस्रो स्थान हासिल गर्‍यो भने मुनेश्वर माविले ५ स्वर्ण, १ रजत, १ कास्य पदकसहित तेस्रो स्थान प्राप्त गर्‍यो।