आश्रममा ‘मेरो आफ्नै संसार’ सार्वजनिक

काठमाडौं । गीतकार शंकर पाण्डे ‘मुक्ति’ले बिहीबार बिहान रानीवनको मानव सेवा आश्रममा त्यहाँ आश्रित जेष्ठ नागरिक तथा असाहायहरुलाई भोजन गराउँदै आफ्नो नयाँ गीत ‘मेरो आफ्नै संसार’ सार्वजनिक गरेका छन् ।

चलचित्र विकास बोर्डका अध्यक्ष दिनेश डिसी, नेपाल चलचित्र कलाकार संघका अध्यक्ष उत्तम केसीले यो गीत कार्यक्रममा सार्वजनिक गरे । गीतमा प्रमोद खरेलको स्वर रहेको छ । गीतले जीवन, परिवार, सम्बन्ध र आफ्नोपनको भावलाई संवेदनशील ढंगले प्रस्तुत गरेको छ । सन्तोष श्रेष्ठको संगीत रहेको यो गीत आधुनिक शैलीमा तयार गरिएको छ ।