नेपालमै पहिलो पटक एनिमेसन चलचित्र महोत्सव–२०२६ हुने

काठमाडौँ । नेपालमै पहिलो पटक ‘एनिमेसन फिल्म फेस्टिभल’ आयोजना हुने भएको छ । नेपाल एनिमेसन र भि.एफ.एक्स कलाकार संघले एनिमेसन विकास र प्रवर्द्धन गर्ने उद्देश्यले यो फेस्टिभल आयोजना गर्न लागेका हुन् । ‘मैले देखेको नेपाल’ थिम रहेको फेस्टिभल आगामी अक्टोबरमा आयोजना हुनेछ ।

आयोजकले राजधानीमा एक कार्यक्रम गर्दै महोत्सवको आधिकारिक मस्कट ‘आफ्फे’ सार्वजनिक गरेको छ । नेपाली राष्ट्रिय चरो डाँफेमा आधारित ‘आफ्फे’ लाई महान् कलाकार अरनिकोको सिर्जनात्मक शैलीबाट प्रेरित भई डिजाइन गरिएको आयोजक पक्षले जनाएको छ । यो मस्कटले नेपाली कलाकारहरूको जीवन्त कल्पनाशीलता र सिर्जनाशीलतालाई प्रतिनिधित्व गर्छ । महोत्सवमा एनिमेटेड लघु चलचित्रहरूको प्रदर्शनी, कन्सेप्ट आर्ट च्यालेन्ज र विभिन्न एनिमेसन प्रतियोगिताहरू हुनेछन् ।