कम्बोडियाले गर्यो भिसा अवधि नाघेका ६०२ नेपालीको जरिवाना मिनाहा

कम्बोडियामा भिसा अवधि समाप्त भएपछि पनि बसोबास गरिरहेका ६०२ नेपाली नागरिकको अध्यागमन जरिवाना तथा शुल्क कम्बोडिया सरकारले मिनाहा गरेको छ ।

थाइल्याण्डको बैंककस्थित नेपाली दूतावासले शुक्रबार सूचना जारी गर्दै आफ्नो पहलमा कम्बोडिया सरकारले विभिन्न चरणमा आठौं पटकसम्म जरिवाना मिनाहा गर्ने निर्णय गरेको जनाएको हो ।