कम्बोडियामा भिसा अवधि सकिएका नेपालीलाई एक हप्ताभित्र स्वदेश फर्किन राजदूतावासको आग्रह

काठमाडौँ । बैंककस्थित नेपाली राजदूतावासले कम्बोडियामा भिसाको समयावधि समाप्त भएर पनि गैरकानुनी रूपमा बसिरहेका सम्पूर्ण नेपाली नागरिकहरूलाई एक हप्ताभित्र अनिवार्य रूपमा नेपाल फर्किन अनुरोध गरेको छ।

विभिन्न माध्यमबाट कम्बोडिया पुगी भिसा अवधि नाघेर बसोबास गरिरहेका नेपालीहरूले नेपाल फर्कँदा कम्बोडिया सरकारलाई तिर्नुपर्ने जरिवाना तथा शुल्क मिनाहा गराउने उद्देश्यले राजदूतावासले गत १ मे २०२६ देखि विवरण सङ्कलन कार्य सञ्चालन गरेको थियो।