फर्स्टलूकमा ‘आ बाट आमा २’: चर्किएको घर, चर्किएको मन अनि आमाको पर्खाइ

काठमाडौं– ‘चर्किएको यो घरले फेरि सोध्यो…यो दशैँमा पनि तिम्रो सन्तान आएन है आमा ?’ स्लोगनसहित नयाँ नेपाली फिल्म ‘आ बाट आमा २’ को फस्टलुक पोस्टर सार्वजनिक भएको छ । हरितालिका तीजको अवसर पारेर निर्माण टिमले सोमवार बिहान फिल्मको पहिलो झलक सार्वजनिक गरेको हो ।

सार्वजनिक फस्टलुक पोस्टरमा चाडपर्वका बेला नेपाली समाजले भोगिरहेको पारिवारिक विछोड, आमाको पर्खाइ अनि भत्किँदै गएको सामाजिक परिवेशलाई कलात्मक ढङ्गले समेटिएको छ । पोस्टरको पृष्ठभूमिमा रहेका फुटेका सिसा र पुराना तस्विरहरूले भत्किएको परिवार र छिन्नभिन्न भएका यादहरूलाई सङ्केत गर्छन् ।