राजावादीहरूले कम्बोडियाको टेलिकममा केपी ओलीको लगानी भनेर भ्रम छरे: पोखरेल

नेकपा (एमाले)का महासचिव शंकर पोखरेलले अध्यक्ष केपी शर्मा ओलीविरुद्ध अनावश्यक भ्रम छर्ने काम भइरहेको दाबी गरेका छन् । अध्यक्ष ओलीको कम्बोडियाको टेलिकममा लगानी रहेको भन्दै भ्रम फैलाइएपछि महासचिव पोखरेलको यस्तो दाबी आएको हो ।

ओलीविरुद्ध राजावादीहरुले भ्रम फैलाएको उनले बताएका छन् । 'पहिले माओवादीहरू जाउलाखेलको टेलिकमको नयाँ भवनको फोटो राखेर केपी ओलीको घर भन्दै जनतामा भ्रम छर्ने गर्दथे । अहिले राजावादीहरू कम्बोडियाको टेलिकममा केपी ओलीको लगानी भनेर भ्रम छर्ने खेतीमा लागेको देखिन्छ,' उनले फेसबुकमा लेखेका छन् ।