कक्षा १२ को नतिजामा केएमसीको ऐतिहासिक सफलता, २५ विद्यार्थी बोर्ड टपर

काठमाडौं । राष्ट्रिय परीक्षा बोर्डले असार ५ गते सार्वजनिक गरेको कक्षा १२ को वार्षिक परीक्षामा बागबजारमा अवस्थित काठमाडौं मोडेल सेकेण्डरी स्कुल (केएमसी)ले पुनः एकपटक उत्कृष्ट नतिजा हासिल गरेको छ ।

यस वर्षको नतिजाअनुसार केएमसीका २५ जना विद्यार्थीहरूले ३.९६ जीपीएसहित बोर्डकै उच्चतम नतिजा प्राप्त गर्दै बोर्ड टपर बन्न सफल भएका छन्। त्यस्तै, १० जना विद्यार्थीहरूले ३.९५ जीपीए प्राप्त गरी दोस्रो स्थान हासिल गरेका छन् भने १६ जना विद्यार्थीहरूले ३.९४ जीपीएसहित तेस्रो स्थान सुरक्षित गरेका छन्।