नेपाली श्रमिकले पनि काम गर्ने कतारको रास लफान ग्यास प्लान्टमा विस्फोट, १८ जना बेपत्ता, ५४ घाइते

नेपालीसहित भारतीय र बंगलादेशी श्रमिक कार्यरत कतारको रास लफान औद्योगिक क्षेत्रस्थित बार्जान ग्यास आपूर्ति केन्द्रमा गएराति विस्फोट भएको छ । विस्फोटमा परेर १८ जना बेपत्ता भएको तथा ५४ जना घाइते भएको कतारको आन्तरिक मन्त्रालयले पुष्टि गरेको छ ।

बेपत्ता भएका १८ जनाको खोजीका लागि विशेष अभियान सञ्चालन गरिएको मन्त्रालयले उल्लेख गरेको छ । सामाजिक सञ्जाल एक्समार्फत आन्तरिक मन्त्रालयले बिहान ४ बजेदेखि नै बेपत्ताहरूको खोजीका लागि अभियान चलाएको उल्लेख गरेको छ ।