नयाँ दिल्लीमा कक्रोच जनता पार्टीको निरन्तर धर्ना : शिक्षा मन्त्रीको राजीनामा माग

नयाँ दिल्ली । भारतमा मजाक र निराशाबाट जन्मिएको जेनजी राजनीतिक अभियान कक्रोच जनता पार्टी (सीजेपी)का समर्थकहरूले भारतका शिक्षा मन्त्रीको राजीनामाको माग गर्दै राजधानी नयाँ दिल्लीमा धर्ना जारी राखेका छन् । प्रहरीको निर्देशनको अवज्ञा गर्दै प्रदर्शनकारीहरू सडक र फुटपाथमै रात बिताइरहेका छन् ।

जुन महिनाको चर्को गर्मीका बिच सुरु भएको प्रदर्शनमा दोस्रो दिन थप युवाहरू सहभागी भएका छन् । आन्दोलनका नेता अभिजित दिपके भारत फर्किएर सामाजिक सञ्जालमा सीमित आन्दोलनलाई सडकमा ल्याएका छन् । भारतको १ अर्ब ४० करोड जनसङ्ख्यामध्ये झन्डै आधा २५ वर्षमुनिका छन् ।