१० प्रतिशत निःशुल्क शय्या: कहाँ-कहाँ छ निजी अस्पतालहरूको आपत्ति?

काठमाडौं – निजी अस्पताल सञ्चालकहरूले अस्पतालको कूल शय्याको १० प्रतिशत विपन्न नागरिकहरूका लागि छुट्याउनुपर्ने सरकारको नियमलाई हालकै अवस्थामा कार्यान्वयन गर्न नसकिने बताएका छन्। निजी अस्पताल सञ्चालकहरूको छाता संस्था एशोसिएशन अफ प्राइभेट हेल्थ इन्स्टिच्युशन नेपाल (अफिन) ले यस व्यवस्थामा सहमत हुन नसकिने भन्दै विज्ञप्ति समेत जारी गरिसकेको छ।

स्वास्थ्य तथा जनसङ्ख्या मन्त्रालयले ‘फ्री हेल्थ पोर्टल कार्यविधि, २०८३’ जारी गर्दै अस्पतालहरूले कूल शय्याको १० प्रतिशत बेड अनिवार्य रूपमा विपन्न नागरिकहरूका लागि छुट्याउन निर्देशन दिएको छ। विगतदेखि नै यो नियम अस्तित्वमा भए पनि अस्पताल सञ्चालकहरूले अनिवार्य रूपमा पालना नगरेपछि मन्त्रालयले कडाइका लागि पुनः नयाँ कार्यविधि बनाएको जनाएको छ।