धनगढी सडकका तारहरू व्यवस्थित गरिँदै

धनगढी । धनगढीका सडकहरूका किनारामा गाडिएका पोल (खम्बा) मा जथाभावी रुपमा तानिएका तारहरू व्यवस्थित गर्ने काम सुरु भएको छ । धनगढी उपमहानगरपालिकाको पहलमा जथाभावी रूपमा तानिएका तारहरू व्यवस्थित गर्न थालिएको हो ।

उपमहानगरका मुख्य बजार क्षेत्र र अन्य स्थानका सडकका किनारामा गाडिएका बिजुली तथा टेलिफोनका पोलहरूमा इन्टरनेट, केवुल टिभी तथा टेलिफोनका तारहरू जथाभावी रुपमा तानिएका कारण शहर कुरुप बन्नुका साथै दुर्घटनाको पनि कारण बन्ने गरेको छ ।