उर्जामा पूववर्ती सरकारको टेक एण्ड पे प्रणाली खारेज, उर्जा उद्यमीलाई राहात

सरकारले विद्युत् खरिद–बिक्री सम्झौता (पीपीए) सम्बन्धी नीतिमा महत्वपूर्ण परिवर्तन गर्ने घोषणा गरेको छ। आर्थिक वर्ष २०८३-८४ को बजेट सार्वजनिक गर्दै अर्थमन्त्री डा. स्वर्णिम वाग्लेले पूर्ववर्ती सरकारले लागू गरेको ‘टेक एण्ड पे’ व्यवस्था खारेज गरी पुनः ‘टेक अर पे’ प्रणाली लागू गरिने बताएका हुन्।

यसअघि तत्कालीन अर्थमन्त्री विष्णु पौडेलको कार्यकालमा ‘टेक एण्ड पे’ प्रणाली लागू गरिएको थियो। उक्त व्यवस्थाप्रति ऊर्जा व्यवसायीहरूले निरन्तर असन्तुष्टि जनाउँदै आएका थिए। नयाँ निर्णयसँगै ऊर्जा क्षेत्रमा लगानी गरेका निजी क्षेत्रका व्यवसायीलाई ठूलो राहत मिल्ने अपेक्षा गरिएको छ।