ला लिगा : लास पाल्माससँग रियलको बराबरी

काठमाडौँ — ला लिगा च्याम्पियन रियल म्याड्रिड बिहीबार रातिको खेलमा लास पाल्मासको हातबाट निराशाजनक १–१ को बराबरीमा रोकिएको छ । लास पाल्मासले पाँचौं मिनेटमा अल्बर्टो मोलेरोको गोलले अग्रता लिएको थियो ।

खेलको ६ औं मिनेटमा रियलले पेनाल्टीबाट बराबरी गोल फर्काएको थियो । भिनिसियस जुनियरले उसका लागि गोल गरे । यससँगै लिगमा रियलको अपराजित यात्रा कीर्तिमान ३५ खेल पुगेको छ ।