झनै संकटमा मलेसियाको रोजगारी

नेपाली कामदारको आकर्षक श्रम गन्तव्य मुलुक मलेसियामा श्रमिक पठाउने म्यानपावर कम्पनीको पहुँचलाई लिएर अहिले नयाँ विवाद चर्किएको छ। मलेसियाको फरेन वर्कर सेन्ट्रलाइज्ड म्यानेजमेन्ट सिस्टम (एफडब्लुसिएमएस) ले नेपालका २५ वटा म्यानपावर कम्पनीलाई ‘आधिकारिक रिक्रुटमेन्ट एजेन्सी’का रूपमा सूचीकृत गर्दै ती कम्पनीअन्तर्गत थप १०/१० वटा म्याननपावर गरी २७५ कम्पनी जोडिएको विवरण सार्वजनिक गरेपछि वैदेशिक रोजगारीको क्षेत्रमा नयाँ विवाद चर्किएको हो। नेपाल वैदेशिक रोजगार व्यवसायी संघले यसको चर्को विरोध गरेको छ।