जब आँखै अगाडि ११ जनकलाकारको हत्या भयो

२०५६ असार ८ गते । रोल्पाको माडी–५ बाङमामा प्रहरीबाट ११ जनकलाकारको सामूहिक हत्या भयो । १२ वर्षको हुँदा मेरै आँखाअघि घटेको ‘बाङमा हत्याकाण्ड’लाई २७ वर्षपछि पुनः नियाल्ने प्रयास गर्दा आँखै रसाए ।

बाल्यकालमा गाउँमा मसाने, सेउरे र राँके भूतको निकै चर्चा हुन्थ्यो । तिनीहरू डाँडाकाँडा र चिहानमाथि बढी नाच्ने विश्वास गरिन्थ्यो । ‘देख्यौँ’ भन्नेहरू भन्थे, ‘लामो–लामो लाइन बनाएर आगोको लप्कासहित एकछिन नाच्यो र अलप भयो ।’