अस्पतालको चमेनागृह प्रकरणः नयाँ बोलपत्र आह्वान, एउटै ठेकेदार पोस्ने बाटो बन्द

लुम्बिनी । सार्वजनिक खरिद ऐनको धज्जी उडाउँदै विगत पाँच वर्षदेखि एउटै ठेकेदार संस्थालाई नवीकरण गरेर दिइएको बुटवलस्थित लुम्बिनी प्रादेशिक अस्पतालको चमेनागृह (क्यान्टिन) प्रकरणमा अस्पताल प्रशासनले नयाँ बोलपत्र आह्वान गरेको छ ।

अख्तियार दुरुपयोग अनुसन्धान आयोगले गम्भीर चासो देखाउँदै पत्राचार गरेपछि अस्पतालले पुरानो नवीकरणको म्याद तोड्दै प्रतिस्पर्धात्मक विधिबाट नयाँ प्रक्रिया शुरू गरेको हो ।