भारतीय पर्यटकको बढ्दो आकर्षणले निम्त्याउने चुनौती र अवसर

पछिल्लो समय पोखरा, काठमाडौँ, लुम्बिनी र चितवनलगायत सहरका गल्ली–गल्लीमा हिन्दीभाषी पर्यटकहरू खुबै देखिन थालेका छन् । यो केही वर्षयता नेपालमा भारतीय पर्यटकहरूको आगमन उल्लेखनीय रूपमा बढेको प्रमाण हो ।

अहिले मौसमी रूपमा मात्र नभएर वर्षभरि नै भारतीय पर्यटकहरूको ओइरो लागेको छ । नेपाल पर्यटन बोर्डको पछिल्लो तथ्याङ्कले पनि नेपाल आउने विदेशी पर्यटकमध्ये सबैभन्दा ठूलो हिस्सा भारतीयहरूकै देखाउँछ । यस्तो परिदृश्यले एउटा नयाँ बहस सिर्जना गरेको छ ।