४ रोपनी फिर्ता गर्ने ७ जना सरकारी साक्षी

काठमाडौँ — बालुवाटारस्थित ललिता निवास परिसरको जग्गा हिनामिना गर्ने अपराधमा सामेल नभएका तर जग्गा किन्नेमध्येका सात जनाले करिब ४ रोपनी जग्गा सरकारकै नाममा फिर्ता गरेर अपराध गर्नेविरुद्ध सरकारी साक्षी बसेका छन् ।

नेपाल प्रहरीको केन्द्रीय अनुसन्धान ब्युरो (सीआईबी) ले ५७ दिन लगाएर गरेको अनुसन्धानमा ललिता निवास परिसरमा जग्गा भएका सात जनाले आफूहरूका नाममा भएको ३ रोपनी १४ आना २ पैसा जग्गा नेपाल सरकारलाई फिर्ता गरेका हुन् ।