विकल्प नदिई सडकपेटीबाट हटाएको भन्दै दृष्टिविहीनहरू आन्दोलित

काठमाडौँ । सडकपेटीमा आश्रित दृष्टिविहीनहरूलाई बलपूर्वक हटाउने र जबर्जस्ती धरपकड गर्ने कार्य बढेपछि उनीहरू काठमाडौँ महानगरपालिका र सरकारविरुद्ध आन्दोलनमा उत्रिएका छन्।

सोमबार काठमाडौँको माइतीघर मण्डलामा भेला भएर उनीहरूले वर्तमान सरकार र महानगरले सडकपेटीमा समेत गरिखान नदिएको भन्दै धर्ना दिन सुरु गरेका हुन्।