माछा मार्दा गयाे एक जनाकाे आफ्नै ज्यान

मुसिकोट नगरपालिका–१ का सुन्दर भण्डारीको मृत्यु भएको छ। पश्चिम मुसिकोटस्थित मुग्लुखोलामा करेन्ट लगाएर माछा मार्ने क्रममा घाइते भएपछि उपचारका जिल्ला अस्पताल सल्लेमा ल्याइएकामा त्यहाँ निजको मृत्यु भएको जिल्ला प्रहरी कार्यालयका प्रमुख प्रहरी नायब उपरीक्षक प्रमुख वेदबहादुर पौडेलले बताए।

साथीहरूसँग ब्याट्रीबाट करेन्ट लगाई माछा मर्ने क्रममा एक्कासि करेन्ट लागी घाइते भई उपचारका लागि जिल्ला अस्पताल सल्ले लगिएको थियो। घटनाको जानकारीपछि जिल्ला प्रहरी कार्यालयबाट प्रहरी सहायक निरीक्षक यामराज शर्माको नेतृत्वमा पाँच जनाको प्रहरी टोली खटिएको थियो।