रातो किताब अध्ययन गर्न समय नपुगेपछि लुम्बिनी प्रदेश सभा बैठक स्थगित

बुटवल । लुम्बिनी प्रदेश सभाको सोमबार दिउँसो १ बजे बस्ने तय भएको बैठक सांसदहरूले बजेटसम्बन्धी ‘रातो किताब’ ढिलो प्राप्त भएकाले अध्ययनका लागि पर्याप्त समय मागेपछि भोलिसम्मका लागि स्थगित गरिएको छ।

सांसदहरूले आज मात्रै रातो किताब प्राप्त गरेको र त्यसको अध्ययन गर्न समय नपुगेको गुनासो गरेपछि मुख्यमन्त्री चेतनारायण आचार्यले बैठक सार्न सभामुख तुलाराम घर्ती मगरलाई अनुरोध गरेका थिए। सोही अनुरोधका आधारमा प्रदेश सभा सचिवालयले बैठक स्थगनसम्बन्धी सूचना जारी गरेको हो।