संसदमा कांग्रेस सांसद गौतमले उठाइन् सामाजिक सञ्जाल नियमनको विषय 

सत्तारूढ दल नेपाली कांग्रेस सांसद प्रतिमा गौतमले सामाजिक सञ्जालमा नियमन आवश्यक भएको बताएकी छन् । उनले हाल सामाजिक संजाल र आमसंचारमा विषयवस्तुलाई अति उछाल्ने काम भइरहेको भन्दै यसलाई संविधानको मर्म नमर्नेगरी नियम गर्न आवश्यक भएको बताइन् ।

सोमबारको प्रतिनिधिसभा बैठकमा आगामी आर्थिक वर्षको बजेटमा मन्त्रालयगत छलफलमा बोल्दै उनले प्रेस स्वतन्त्रता र अभिव्यक्ति स्वतन्त्रालाई प्रयोग गर्दा हाल व्यक्तिगत जीवनका घटनालाई समेत आम समाचारको विषय बनाउने र कतिपय विषयहरु राष्ट्रिय सुरक्षा संवेदनशीलतालाई समेत ख्याल गर्नुपर्ने आवश्यक्ता औंल्याइन् । व्यक्तिगत सूचना विक्रीको विषय बहसमा भएको भन्दै उनले यसको विषयमा गम्भीर हुनुपर्ने धारणा राखिन् ।