गोरुमाथि निर्दयी व्यवहार गरी भिडिओ बनाउने व्यक्ति पक्राउ

काठमाडौंं । गोरुलाई निर्दयी व्यवहार गरी सामाजिक सञ्जालमा भिडिओ पोस्ट गर्ने व्यक्ति पक्राउ परेका छन् । पक्राउ पर्नेमा प्युठानको गौमुखी गाउँपालिका वडा नं. १ बस्ने ३६ वर्षीय जालिराम थापा मगर रहेका छन् ।

चार-पाँच दिनयता सामाजिक सञ्जालमामा एउटा भिडिओ भाइरल भएको थियो । उक्त भिडिओमा मगरले आफ्नो खेतबारीमा गोरु जोतिरहेको अवस्थामा गोरु थाकेर हिँड्न नसकी खेतमा बसेपछि गोरुको नाक र मुख माटोमा गाडी दिने, कुटपिट गर्ने र अमानवीय व्यवहार गरेको देखिन्छ ।