कोटेश्वर र जडीबुटीमा यात्रु तान्ने र झोला खोस्ने काउन्टर कर्मचारी तथा चालक पक्राउ

काठमाडौँ । काठमाडौँ उपत्यकाबाट सार्वजनिक सवारी साधन प्रयोग गरी उपत्यका बाहिर जाने यात्रुहरूलाई दुःख र हैरानी दिने १० जनालाई प्रहरीले नियन्त्रणमा लिएको छ।

काठमाडौँ महानगरपालिका–३२ कोटेश्वर र जडीबुटी क्षेत्रमा काउन्टर सञ्चालन गर्ने कर्मचारी, सवारी चालक तथा सहचालकहरूले अनावश्यक दुःख दिने गरेको जनगुनासोका आधारमा काठमाडौँ उपत्यका ट्राफिक प्रहरी कार्यालयको टोलीले उनीहरूलाई सोमबार पक्राउ गरेको हो।