ला लिगा : एथ्लेटिक क्लब, लेगानेस र गेटाफे विजयी

काठमाडौं । स्पेनिस ला लिगा फुटबलमा एथ्लेटिक क्लब, लेगानेस र गेटाफे विजयी भएका छन् । आइतबार राती भएका खेलमा एथ्लेटिक क्लबले सेभियालाई १-० ले हराउँदा लेगानेसले रियाल बेटिसलाई ३-२ तथा गेटाफेले ओसासुनालाई २-१ ले हरायो ।

एथ्लेटिक क्लबलाई जिताउन येरे अल्भारेजले निर्णायक गोल गरे । यो जितपछि उथ्लेटिक क्लब ५२ अंकका साथ चौथो स्थानमा कायम छ । शीर्ष स्थानको रियाल मड्रिडको ६० अंक छ भने बार्सिलोनाको ५७ अंक छ । यस्तै, ला लिगा अन्तर्गत आइतबार राती भएको अर्को खेलमा रायो भायकानो र रियाल सोडिडाडले २-२ को बराबरी खेल्दै अंक बाँडे ।