लखनउ आईपीएलको अन्तिम स्थानमा रहेपछि ऋषभले छाडे कप्तानी

१५ जेठ, काठमाडौं । इन्डियन प्रिमियर लिग (आईपीएल) २०२६ मा लखनउ सुपर जायन्ट्स अंक तालिकाको पुछारमा रहेपछि ऋषभ पन्तले कप्तान पदबाट राजीनामा दिएका छन् ।

पन्तले शुक्रबार आफ्नो निर्णयको बारेमा फ्रेन्चाइजलाई जानकारी गराएको लखनउले सामाजिक सञ्जालमार्फत बताएको छ । ‘ऋषभले यो अनुरोधको साथ फ्रेन्चाइजलाई सम्पर्क गरे र हामीले यसलाई सम्मानपूर्वक स्वीकार गरेका छौं’ क्रिकेट डिरेक्टर टम मूडीसहित क्लबले जारी गरेको विज्ञप्तिमा भनिएको छ, ‘यी निर्णयहरू कहिल्यै सजिलो हुँदैनन् । कप्तानको रूपमा ऋषभले यस ड्रेसिङ रुममा ल्याएको सबै कुराको लागि हामी आभारी छौं ।’