इङ्ल्यान्डलाई ठुलो झट्का : स्लो ओभर रेटका कारण विश्व टेस्ट च्याम्पियनसिपमा १२ अङ्क गुमायो

केनिङटन । न्युजिल्याण्डविरुद्ध ओभलमा भएको दोस्रो टेस्ट खेलमा स्लो ओभर रेट गरेबापत इंग्ल्याण्ड क्रिकेट टोलीमाथि ठुलो कारबाही भएको छ।

अन्तर्राष्ट्रिय क्रिकेट परिषद् (आईसीसी) ले इंग्ल्याण्डलाई विश्व टेस्ट च्याम्पियनसिप (डब्ल्यूटीसी) तालिकाबाट १२ अङ्क कटौती गर्नुका साथै खेल शुल्कको ५० प्रतिशत जरिबाना समेत तिराएको छ। टेस्ट च्याम्पियनसिपमा एक खेल जितेबापत १२ अङ्क प्राप्त हुने भएकाले यस कारबाहीले इंग्ल्याण्डले पहिलो लर्ड्स टेस्टमा न्युजिल्याण्डलाई हराएर कमाएको अङ्क बराबरको ठुलो नोक्सानी ब्यहोर्नु परेको छ।