संघीय बजेटमा यसरी समेटियो बागमती प्रदेश

हेटौँडा । संघीय सरकारले आगामी आर्थिक वर्षका लागि २१ खर्ब २४ अर्व ३४ करोड रुपैयाँको बजेट प्रस्तुत गरेको छ । संघ सरकारले आगामी आर्थिक वर्षमा बजेटमार्फत बागमती प्रदेशका १३ जिल्लालाई आर्थिक समृद्धिको केन्द्र बनाउने लक्ष्यका साथ अघि बढेको छ ।

अर्थमन्त्री डा. स्वर्णिम वाग्लेद्वारा प्रस्तुत बजेटमा काठमाडौं उपत्यकालाई आधुनिक सहरका रूपमा विकास गर्न ‘भिजन २०४०’ को योजना अघि सारिएको छ भने हेटौँडालाई औद्योगिक र प्रविधिको हब बनाउने गरी विभिन्न आयोजना समेटिएका छन् । बजेटमा काठमाडौं उपत्यकाको विकासका लागि एकीकृत पूर्वाधार योजना अघि सारिएको अर्थमन्त्री वाग्लेले बजेट भाषणमार्फत जानकारी दिए ।