रास्वपा महामन्त्रीमा मनिष झाको दाबी

चितवनमा जारी राष्ट्रिय स्वतन्त्र पार्टी (रास्वपा)को प्रथम महाधिवेशनमा प्रवक्ता मनिष झाले महामन्त्री पदमा आफ्नो दाबी प्रस्तुत गरेका छन् ।

सोमबार दिउँसो आयोजित पत्रकार सम्मेलनमा पत्रकारहरूले ‘बालेन सरकारमा मन्त्री बन्ने चर्चा थियो, त्यो भएन, अब महाधिवेशनमा के हुन्छ ?’ भन्ने प्रश्न सोध्दा झाले आफू महामन्त्रीको दौडमा रहेको संकेत गरेका हुन् ।

उनले भने, ‘मैले महाधिवेशन प्रतिनिधिहरूसँग बुझ्दा धेरैले मलाई महामन्त्रीको भूमिकामा हेर्न चाहनुभएको पाएको छु । त्यसैअनुसार मेरो तयारी पनि भइरहेको छ । सर्वसम्मत नभए पनि म महामन्त्री पदका लागि तयारीका साथ अघि बढिरहेको छु ।’