इङ्ग्ल्याण्डसँगको हारपछि पाकिस्तानलाई अर्को झट्का, ११ अंक कटौती

काठमाडौँ । इङ्ग्ल्याण्डसँगको टेस्ट शृङ्खला ३–० ले गुमाएको पाकिस्तानलाई अर्को ठूलो झट्का लागेको छ । विश्व टेस्ट च्याम्पियनसिप (डब्लूटीसी) अन्तर्गत एजबास्टनमा भएको अन्तिम टेस्टमा ढिलो ओभर रेट कायम राखेको भन्दै पाकिस्तानमाथि दोहोरो कारबाही भएको हो ।

एजबास्टनमा पाकिस्तान आठ विकेटले पराजित भएको थियो । उक्त खेलमा निर्धारित समयभित्र आवश्यक ओभर पूरा नगरेको भन्दै पाकिस्तानको जारी डब्लूटीसी चक्रबाट ११ अंक कटौती गरिएको छ । साथै, टोलीका खेलाडीलाई उनीहरूको म्याच शुल्कको ५० प्रतिशत जरिवाना गरिएको छ ।