कांग्रेस नेता खरेलको निधनप्रति सभापति थापाले गरे दुःख व्यक्त

काठमाडौँ । नेपाली कांग्रेसका नेता एवं पूर्वमन्त्री राजेन्द्र खरेलको ८० वर्षको उमेरमा निधन भएको छ। बानेश्वरस्थित फ्रन्टलाइन अस्पतालमा उपचारका क्रममा आइतबार राति उनको निधन भएको हो।

नेपाली कांग्रेसका सभापति गगनकुमार थापाले आज एक शोक सन्देश जारी गर्दै नेता खरेलको निधनप्रति गहिरो दुःख व्यक्त गरे। सभापति थापाले उनप्रति भावपूर्ण श्रद्धाञ्जली अर्पण गर्दै शोक सन्तप्त परिवारजनमा समवेदना प्रकट गरे।