सेयरको 'आइजिन' छुट्याउन निर्देशिका तयार, बजारमा समर्थन र विरोध

केन्द्रीय निक्षेप प्रणाली तथा क्लियरिङ हाउस (सिडिएससी) ले सेयरको अन्तर्राष्ट्रिय पहिचान नम्बर (आइजिन) संस्थापक र सर्वसाधारण सेयरका लागि छुट्टाछुट्टै अनिवार्य गर्ने तयारी गरेको छ ।

यसका लागि सिडिएससीले धितोपत्र अभौतिकीकरण कार्य सञ्चालन निर्देशिका, २०८२ तयार गरेको हो । यो निर्देशिकाले भौतिक सेयरलाई अभौतिक रूपमा रूपान्तरण गर्दा सङ्गठित संस्थाको प्रबन्धपत्र र नियमावलीमा संस्थापक र सर्वसाधारण सेयर छुट्याइएको अवस्थामा फरक–फरक आइजिन नम्बर प्रदान गर्ने व्यवस्था गरेको छ ।