फेसबुकको घिटीघिटी- फेसबुकेहरूको छटपटी !

‘अब छोराछोरीलाई के देखाएर भात खुवाउने ? यो सरकारले पनि दुःख दिन मात्रै जानेको छ’ फेसबुकको भिडियो देखाएर छोराछोरीलाई भात खुवाउने बानी परेकी आमाले रेडियोमा समाचार सुन्नेबित्तिकै धारे हात लगाइन् । धन्न अहिलेसम्म फेसबुक चलिरहेको रैछ । त्यही भिडियो देखाएर हतारहतार छोराछोरीलाई भात खुवाइन् ।

‘लौन अब दोहोरी गीत र सिरियल कसरी हेर्ने ? मोबाइल हेर्न थालेपछि टिभी हेर्ने बानी छुटिहाल्यो, अब टिभी खोल्न पनि बिर्सिसक्यो । भोलिदेखि कसरी दिन कटाउने ? फेसबुक नभई बाँकी उमेर के गरेर जिउने ?’ सोच्दासोच्दै हजुरआमाले आँखा झिमिक्क नगरी रात कटाइन् ।