उरुग्वेलाई बराबरीमा रोक्यो केप भर्डेले

फिफा विश्वकपमा दुई पटकको विजेता उरुग्वेलाई नवप्रवेशी टोली केप भर्डेले बराबरीमा रोकेको छ ।

अमेरिकाको फ्लोरिडास्थित मियामी स्टेडियममा सोमबार बिहान भएको खेलमा उरुग्वे र केप भर्डेले २–२ गोलको बराबरी खेल्दै अङ्क बाँडेको हो । खेलमा सुरुजवाती अग्रता केप भर्डेले लिएको थियो ।

२१औँ मिनेटमा केभिन पिनाले गोल गर्दै केप भार्डेको उत्साह जगाउनुभयो । त्यसपछि ४४औँ मिनेटमा उरुग्वेका म्याक्सिमिल्लानोले बराबरी गोल फर्काउनुभयो । लगत्यै इन्जुरी समयमा अगस्टिनले गोल गर्दै उरुग्वेलाई अगाडि बढाउनुभयो ।

तर ६१औँ मिनेटमा मा केभ भार्डेका हेलियो भरेलाले गोल गर्दै खेललाई पुन: बराबरीमा ल्याउनुभयो । त्यसपछि दुवै टोलीलबाट थप गोल नहुँदा खेल बराबरीमा सकिएको थियो । लगातार दोस्रो बराबरीसँगै दुवै टोलीले दुई दुई अङ्क बनाएका छन् ।

केप भर्डेले समूहको पहिलो खेलमा स्पेनलाई बराबरीमा रोकेको थियो । यस समूहको शीर्षस्थानमा स्पेन छ । शनिबार राति भएको खेलमा स्पेनले साउदी अरेबियालाई ४–० गोलले हराएको थियो ।

स्पेनले दुई खेलबाट चार अङ्क बनाएको छ । दुई खेलमा एक हार र एक बराबरी नजिता निकालेको साउदी अरेबियाको एक अङ्क छ ।