टीभीएसको ‘गोल्डेन की’ दशैं योजना सार्वजनिक, १० लाखसम्म नगद छुट र १०० प्रतिशतसम्म क्यासब्याक

काठमाडौं- टीभीएस नेपालले दशैंलाई लक्षित गर्दै विशेष चाडपर्व योजना ‘टीभीएस गोल्डेन की’ सार्वजनिक गरेको छ । नेपालका लागि टीभीएस दुईपांग्रे सवारीसाधनको आधिकारिक वितरक जगदम्बा मोटर्स प्रालिले ल्याएको योजनामा मोटरसाइकल वा स्कुटर खरिद गर्ने प्रत्येक ग्राहकले निश्चित पुरस्कार पाउने व्यवस्था गरिएको छ ।

योजनाअन्तर्गत टीभीएसका कुनै पनि मोटरसाइकल वा स्कुटर खरिद गर्ने ग्राहकले १० लाख रुपैयाँसम्मको नगद छुट, गोल्ड की वा खरिद मूल्यको १०० प्रतिशतसम्म क्यासब्याकमध्ये कुनै एक निश्चित पुरस्कार प्राप्त गर्नेछन् । हरेक खरिदमा निश्चित पुरस्कार सुनिश्चित गरिएकाले यसपटकको चाडपर्वमा टीभीएसको सवारीसाधन खरिदलाई थप आकर्षक बनाउने कम्पनीले जनाएको छ ।