नेप्से परिसूचकमा सामान्य गिरावट, ४ अर्ब ४४ करोड बढीको कारोबार

काठमाडौं । नेपाल स्टक एक्सचेन्ज (नेप्से) परिसूचकमा आज सामान्य गिरावट दर्ता भएको छ। साताको दोस्रो कारोबार दिन सोमबार बजार परिसूचक १.४६ अंकले ओरालो लागेर २,७००.६५ विन्दुमा ओर्लिएर बन्द भएको छ। यो अघिल्लो दिनको तुलनामा ०.०५ प्रतिशतको झिनो गिरावट हो।

परिसूचकमा सामान्य गिरावट आए पनि बजारमा कारोबार रकम भने सन्तोषजनक देखिएको छ। आज दिनभरिमा कुल ३५३ वटा स्क्रिप्सको ९०,८६२ पटकको कारोबारमार्फत कुल ८१,३८,४३३ कित्ता सेयर खरिदबिक्री भएका छन्।