बक्स अफिसमा ‘पार्वती’को दबदबा, ‘तिनीहरू’को उत्साहजनक सुरुवात

नेपाली चलचित्रको घरेलु बक्स अफिसमा पछिल्ला दिनमा ‘पार्वती’ले आफ्नो पकड बलियो बनाएको छ। प्रदर्शनको तेस्रो हप्तामा रहेको चलचित्रले २ करोड रुपैयाँभन्दा बढी ग्रस कलेक्सन गर्दै यस वर्षका सफल चलचित्रको सूचीमा आफूलाई उभ्याएको छ।

चलचित्र विकास बोर्डको तथ्यांकअनुसार ‘पार्वती’ले भदौ २८ गतेसम्म २ करोड ५ लाख ८५ हजार रुपैयाँभन्दा बढी कमाइ गरेको छ। चलचित्रका ७३ हजारभन्दा बढी टिकट बिक्री भएका छन्।